Get Adobe Flash player
Telegram
Telegram

بە کرتە کردن لەسەر ئەم وێنەیە، دەتوانن میوانی پەیجی تێلێگڕامەکەمان بن.

یادی بەخێر
یادی بەخێر

بۆ خوێندنەوەی ئەم پەرتووکە دەتوانن کرتە لەسەر وێنەکە بکەن.

بازی بێریان
بازی بێریان

بۆ خوێندنەوەی ئەم پەرتووکە دەتوانن کرتە لەسەر وێنەکە بکەن.

“سووڕی دەوران”ی
“سووڕی دەوران”ی

بۆ کڕینی ئۆجیناڵی ئاڵبۆمی "سووڕی دەوران"ی مامۆستا هێمن موکریانی، پێوەندی بەم ئیمایلەوە بکەن:
info@mamle.net
یان کرتە لەسەر ئەم وێنەیە بکە.

بابەتێک لە لایان پۆڵا نانەوازادە

شاملوو، شاعیر و نووسه‌ری گه‌وره‌ی ئێرانی، کتێبێکی له‌سه‌رحافزی شیرازی نووسیوه‌ و ئاوا ده‌ست پێ ده‌کا:”حافز به‌ڕاستی ڕازێکی عه‌جیبه‌ وده‌ڵێ: ئه‌وه‌ کێیه‌ که‌ دیوانه‌که‌ی وه‌ک قورئان و مه‌سنه‌وی مه‌وله‌وی له‌سه‌ر تاقه‌ی هه‌موو ماڵێکه‌ و ته‌نانه‌ت به‌ بێ ده‌ست نوێژ ده‌ستی ناده‌نێ و که‌ ده‌ستیشیان دایه‌ له‌ پێشدا ماچی ده‌که‌ن، له‌ سه‌ر سه‌ر و نێوچاوانی داده‌نێن، به‌ عیلمی غه‌یبی ده‌زانن، فاڵی پێ ده‌گرنه‌وه‌ و چاره‌نووسی داهاتووی خۆیانی پێ دیاری ده‌که‌ن؟ ماملێ ش به‌ڕاستی ڕازێکی ئاوه‌ها عه‌جیبه.ئه‌وه‌ کێیه‌ که‌، له‌ مامه‌ پیره‌ی سه‌ت ساڵه‌وه‌ بگره‌هه‌تا کوڕه‌لاوی چارده‌ ساڵه‌، له‌ دایه‌ پیره‌ی که‌له‌لاوه‌ بگره‌ هه‌تا شۆڕه‌کچی قیت و قۆز،له‌ جووتێره‌وه‌ بگره‌ تا فه‌لا، له‌ ئاغا وه‌ بگره‌ تا کوێخا، له‌ ده‌وڵه‌مه‌نده‌وه‌ بگره‌ تا هه‌ژار، له‌ مه‌لاوه‌ بگره‌ تا بێ دین، له‌ باده‌خۆره‌وه‌ بگره‌ هه‌تا عابید و قورئان خوێن، خوێنده‌وار و نه‌خوێنده‌وار، گه‌وره‌و و بچووک، چاک و خراپ هه‌موو به‌ ئیحترامه‌وه‌ باسی ده‌که‌ن، به‌ دڵه‌وه‌ گویی ده‌ده‌نێ18466_1130023910149_406522_n، خۆشیان ده‌وی و ڕێزی لێ ده‌گرن،به‌ڵێ به‌ڕاستی ماملێ ش ڕازێکی عه‌جیبه‌. ڕازی خۆشه‌ویستی ماملێ له‌ که‌سایه‌تی کۆمه‌ڵایه‌تی و شه‌خشسییه‌تی سیاسی و حاستی به‌رزی هۆنه‌ری و ده‌نگی خۆشی ئه‌و دایه‌. ماملێ خاوه‌نی هه‌ستێکی پاکی کوردانه‌یه‌، مرۆڤکی نیشتمانپه‌روه‌ره‌، ئه‌وه‌ی له‌ده‌ستی هات بۆ زیندوو کردنه‌وه‌ و پاراستنی ئاواز و فۆلکلۆری کوردی کردی، به‌ هیچ حکوومه‌تێکی ده‌سه‌ڵاتداری هه‌ڵنه‌گوت، هه‌میشه‌ لایه‌نی خه‌ڵک بوو و خه‌لکی ئه‌مه‌گ ناسی کوردیش لایه‌نی ئه‌و. ماملێ له‌ گۆرانییه‌کانی دا پشت به‌ که‌ره‌سه‌ی کولتووری ده‌به‌ستێ و وشه‌و و ڕسته‌ و شێعری جوا‌نی کوردی به‌ کار دێنێ، داب و نه‌ریته‌ کوردییه‌کان له‌به‌ر چاو ده‌گرێ و حه‌ول ده‌دا بۆ زیندوو کردنه‌وه‌ی زمانی کوردی و کولتووری نه‌ته‌وایه‌تی گه‌له‌که‌مان و هه‌زاران وشه‌ی جوان و ناسک و ڕه‌سه‌نی کوردی له‌ شاعیره‌ گه‌وره‌کانی نه‌ته‌وه‌که‌مان به‌ ئه‌مانه‌ت وه‌رده‌گرێ‌ و به‌و ده‌نگه‌ خۆش وزوڵاله‌‌که‌ی ده‌یخاته سه‌ر زار و زمانی خه‌ڵک و ئێستا له‌ هه‌موو شوێنێک ده‌بیسرێن و ده‌گوترێنه‌وه‌.ئه‌وه‌ چ ده‌نگێکه‌ که‌ به‌ په‌نا گویی کیژی چاو ‌خوماری شۆخ و شه‌نگی به‌ له‌نجه‌و لار دا ڕاده‌برێ و ده‌گاته ‌ناو دڵی کوڕه‌ لاوی مه‌ست و گێژی ئه‌وین و خۆ حه‌شار داوی بن په‌نا و سیله‌ی جێژوانانه‌وه‌ “ماملێ وا که‌ به‌ کانێ ئاسکان دڵی سه‌ت لاوی له‌ ژوان ڕاپسکان” ئه‌وه‌ چ سۆزێکه‌، که‌ به‌ شێعری وه‌فایی ده‌چێته‌ ناو دڵی ئه‌ویندارانی تامه‌زرۆی دیتنی یار و دلیان ئاوپڕژێن ده‌کا و پاشان ده‌خوشێته‌ ناو ته‌کیه‌ و خانه‌قا و سۆفی و مریید و ده‌روێشان جه‌زم ده‌کا و ئینجا له‌ قوژبنی مه‌یخانه‌دا دڵ و ده‌روونی پیری که‌نفتی گۆشه‌نشینی مه‌یخانه‌ سارێژ ده‌کا و ده‌گه‌ڕێته‌وه‌ ناو گه‌ڕی شایی و ڕه‌شبه‌ڵه‌کی داوه‌تێ گه‌رم ده‌کا و ئه‌وجارده‌بێته‌ گواره‌ی گویی شه‌نگه‌ بێری، بێره‌ دۆشی، بازنه‌ له‌ ده‌ستی، خڕخاڵ له‌ پێ و ده‌بێته‌ هێزۆ توانای مه‌شکه‌ ژانێ؟ ئه‌وه‌ کێیه‌ هێمن ی جوانی په‌ره‌ستی،هه‌ست ناسکی، شین نه‌خوازی، ئه‌ویندار، له‌داو ده‌خاو ناچاری ده‌کا پێی هه‌ڵبڵێ و بڵێ “له‌و ده‌مه‌ی دا گوێ هه‌ڵده‌خه‌ن بۆ تارێ له‌و ده‌مه‌ی دا ماملێ ده‌ڵێ قه‌تاری ” یادم بکه‌ن یادی منی دوور وڵات یادی منی رێبواری رێگای خه‌بات” ئه‌وه‌ کییه‌ که‌ هه‌ژار تێکه‌ڵاوی جوانی و سروشتی باغی میکایل و شاره‌ خنجیڵانه‌که‌ی مهاباد وناوچه‌ی موکریان و وڵاته‌که‌ی ده‌کا و ده‌گه‌ڵ دیمه‌نی سه‌وزه‌ گیا و به‌زم و ئاهه‌نگ و کیژ و کۆڕی شۆخ و شه‌نگ و پشتێند شل و چاو باز و به‌ نازان ناوی ده‌با و له‌ باغی میکایل ده‌پرسێ که‌ ئه‌رێ:”بۆت ده‌ڵێ ماملێ ڕۆژان و شه‌وان هه‌ر وه‌ها زۆره‌ له‌ گۆمت مه‌له‌وان؟”یان قوڵه‌ی شینی توڵه‌ی تارانیی دای گه‌مارۆت و نه‌وه‌ک جارانیی” ماملی له‌ گۆرانی ‌بلوێری شوان دا، له‌ کانی مرادان و له‌ کانێ ئاسکان دا، له‌ بازی بێریان و لاله‌به‌ده‌ستان و گوڵفرۆش دا، له‌ کۆچی سوور و شه‌ماڵ هات بای به‌هار و ڕاوچیان و زێڕنۆکێ و ده‌یان و بگره‌ سه‌دان گۆرانی دیکه‌دا به‌ هه‌زاران تابڵۆی به‌ نرخ ده‌نه‌خشێنێ که‌به‌ هیچ نه‌ققاش و وێنه‌ گرێکی ‌توانا و هونه‌رمه‌ند ئاوا وه‌ستایانه‌ ناکێشرێنه‌وه‌ وناڕازێنه‌وه‌. ماملی له‌ گۆرانێیه‌کانی دا ژن ده‌کاته‌ په‌یکه‌ری جوانی و عیشق و خۆشه‌ویستی و.جاری وایه‌ ده‌یکاته‌ پێشمه‌رگه‌ و بازنه ‌و پاوانه‌ی پێ فرێ ده‌دا و ده‌ینێرێته‌ ناو سه‌نگه‌ر، جاری واشه‌ چاوی پڕ ده‌کا له‌کل و ئاڵقه ‌و ده‌رزیله‌ وگواره‌ی له‌ گویی ده‌کا و ده‌نگی خرینگه‌ خرینگی بازنه ‌و پاوانه‌ی ده‌گه‌یه‌نێته‌ عه‌رشی ئاسمانێ، ده‌یباته‌ به‌ر مه‌ڕی، ده‌رسی پێ ده‌خوێنێ، مه‌شکه‌ی پێ ده‌ژێنێ، ته‌شی پێ ده‌ڕێسێ، باللۆره‌ی پێ داوێ، ده‌ینێرێته‌ مێرگۆڵان، گه‌ڕی داوه‌تێی پێ ده‌گرێ و به‌ شه‌ریک و هاوبه‌شی ژیانی ده‌زانێ و خه‌م و ژان و ئازار و خۆشی و ناخۆشی له‌گه‌ل دابه‌ش ده‌کا، شان به‌شانی پیاو ده‌یباته‌ ناو کۆمه‌ڵ و بۆ یه‌کسانی تێده‌کۆشێ، جاری وایه‌ سینگی ده‌کاته‌ به‌فری قه‌ندییل و جارێکی تر باوه‌شی ده‌کاته‌وه‌ بۆ ڕۆڵه‌ خۆشه‌ویسته‌ ره‌گی حه‌یاته‌ نوقل و قه‌ند و نه‌باته‌که‌ی که‌ ده‌ست له‌ناو ده‌ست خوشک و براکانی بنێ و یه‌کیان به‌ قه‌ڵه‌م ویه‌کیان به‌ شه‌مشییر کوردی بۆ رزگار بکه‌ن، ماملێ هه‌تا ما بۆ‌ گه‌ل و نیشتمانی خوێند هه‌ر بۆیه‌ش بوو به‌ خۆشه‌ویستی گه‌ل و بوو به‌ ئه‌و رازه‌ عه‌جییبه‌ که‌ باسمان کرد، به‌ڵام دوژمنانی گه‌ل و نیشتمان وداگییرکه‌رانی کوردستان، خۆشه‌ویستی گه‌ل، به‌ بێزراوی خۆیان ده‌زانن بۆیه‌ له‌ ئاخرین ساڵه‌کانی ژیانی دا ئاخرین زه‌بریان لێ وه‌شاند و “داخه‌که‌م کاتێ نه‌جاتی کوژرا به‌ خه‌می ڕۆڵه‌ بڕستی لێ برا” ئه‌وه‌ بوو پاداشی داگییرکه‌رانی کوردستان بۆ هونه‌رمه‌ندی خۆشه‌ویستی گه‌له‌که‌مان، کاک مه‌حه‌ممه‌دی ماملێ، دیمه‌نی کوردستان، ڕاو و مه‌ڕ دۆشین، کۆچ و کۆچبار، ژوان و جێژوان، شایی و زه‌ماوه‌ند، هه‌له‌هه‌لی سوارچاکان، گرمه‌ی بۆمبارانی به‌دکاران، باللۆره‌ی کیژ و کوڕان له‌وبه‌ر ئه‌و به‌ری چیا و به‌نده‌نان، لایه‌لایه‌ی دایک و باوکی ڕۆڵه‌ کوژراو، ورینگه‌ ورینگی دڵ ته‌زێنی ئه‌وینداران، به‌یت و لاوک و حه‌یران و قه‌تار و ئازیزه‌ و پاییزه‌ و سوارۆ و مه‌قام و هه‌مووی ئه‌وانه و داب و نه‌ریته‌ کوردییه‌کان، ‌له‌ گۆرانییه‌کانی ماملێ دا زۆر به‌ جوانی خۆ ده‌نوێنن و ماملێ ده‌که‌نه‌ به‌شێک له‌ سروشت و جوانی کوردستان و بۆ هه‌تاهه‌تایه‌ له‌ دڵی ئه‌ویندارانی ئه‌و که‌ڵه‌ پیاوه‌ هونه‌رمه‌نده‌ ده‌نگخۆشه‌، کوردپه‌روه‌ره،‌ خوێن شیرنه،‌ ده‌م به‌ بزه ‌و پێکه‌نینه‌ دا ده‌مێننه‌وه‌ و قه‌ت له‌بییر ناچن. یادی به‌رز و به‌خێر برای بچووکتان پۆلا ستۆکهۆڵم

لالە بە دەستان
هاشم نانەوازادە

بۆ خوێندنەوەی ئەم پەرتووکە دەتوانن کرتە لەسەر وێنەکە بکەن.

گۆرانییەکانی ماملێ

Here is the Music Player. You need to installl flash player to show this cool thing!

ئاڵبۆمی ڕێژنە
دوایین بەرهەمی محەممەد ماملێ

بۆ کڕینی ئۆرجیناڵی ئاڵبۆمی "ڕێژنە"، دەتوانن پێوەندی بەم ئیمایلەوە بکەن:
info@mamle.net