Get Adobe Flash player
بەڵێ بۆ سەربەخۆیی
بەڵێ بۆ سەربەخۆیی
یادی بەخێر
یادی بەخێر

بۆ خوێندنەوەی ئەم پەرتووکە دەتوانن کرتە لەسەر وێنەکە بکەن.

بازی بێریان
بازی بێریان

بۆ خوێندنەوەی ئەم پەرتووکە دەتوانن کرتە لەسەر وێنەکە بکەن.

“سووڕی دەوران”ی
“سووڕی دەوران”ی

بۆ کڕینی ئۆجیناڵی ئاڵبۆمی "سووڕی دەوران"ی مامۆستا هێمن موکریانی، پێوەندی بەم ئیمایلەوە بکەن:
info@mamle.net
یان کرتە لەسەر ئەم وێنەیە بکە.

ووتاری تیپی مۆسیقای سلێمانی لەمەراسیمی یاد و بەخشینی خەڵاتی ماملێ بۆ ئەوتیپە …10 (34)

ئاماده‌بووانی خۆشه‌ویست ئه‌م كاته‌تان باش
به‌ناوی تیپی مۆسیقای سلێمانیه‌وه‌ به‌خیرهاتنی گه‌رمتان ده‌كه‌ین
ئاماده‌بوونتان مایه‌ی رێزو پێزانینمانه‌
سلێمانی بەمێژوو لاو،بەڵام بەبیرو ئەندێشەو ئەدەب و هونەرەكەی باڵا. جوانیی ئەم شارە،خوڵقێنەری ئەو هەموو داهێنان و شاكارە بێ وێنانەیە كە مێژووی گەلێكی ستەمدیدە و رابووردووی لێڵ كراوی وەك كانیاوی بەهار روونكردۆتەوە.
بەمەبەستی پاراستنی رەسەنایەتی‌و بوژاندنەوەو گەشەپێدانی هونەری كوردیی لەشێوازێكیهاوچەرخدا،تیپی مۆسیقای سلێمانی لەساڵی (1967) لەشاری سلێمانی، بەدەستپێشخەری كۆمەڵێك هونەرمەندی بەتوانا دامەزرا .
كاتێك تیپی هونەری رەشیدی میللیی لەشاری بەغداوە دێنە سلێمانی بۆسازكردنی ئاهەنگێكی تایبەت به‌خۆیان،سەرۆكیئەوتیپەداواله‌هونەرمەندەمۆسیقییەكانی سلێمانیشاره‌كە دەکات بۆ ماوەی بیست دەقیقە بەشداری ئاهەنگەكەیان بكەن كەلەهۆڵی سانەوی سلێمانی پێشكەشیان كرد،ئەم هونه‌رمه‌ندانه‌ش بەناوی (تیپی مۆسیقای سلێمانی)ەوە دادەبەزن وچەند بەرهەمێك پێشكەشدەكەن كەدەبێتە جێی رەزامەندی وخۆشحاڵی ئامادەبووان،ئەمە دەبێتە سەرەتاو هەوێنی دروستبوونی ئەم تیپە،هەرچەندە پێشتر لەژێر ناوی جیاجیادابه‌ناوی تیپی(خۆشی وبەختیاری) یان (هیوا) كاری هونەریان كردبوو ,چەند بەرهەمێكیشیان بۆ ئەوكاتەی ئیزگەی كوردی لەبەغدا تۆمار كردبوو. كەسایه‌تی وەك (مامۆستا ولیمیوحنا )رۆڵیمه‌زنی لە پێگەیاندنی ئەو هونەرمەندانەدا هەبووه‌ ، دیارە كەسانی وەك هونەرمەند ئەنوەر قەرەداغی وئەندامانی سەرەتای دروستبوونی ئەم تیپە رۆڵی بەرچاویان هەبووە بۆ گه‌شه‌پێدان وبەردەوامبوونی چالاكیەكان،ئەوەش بۆخۆی رابووردویەكی شكۆداری ئەو بەرێزانەیە..بەم شێوەیە بەردەوام دەبن وچەندین چالاكیهونەریی وخێرخوازی پێشكەشدەكەن،پاشان لەگەڵ هونەرمەندانی شانۆیەكدەگرن و لە (4/2/ 1969)به‌ فه‌رمی(تیپی نواندن و مۆسیقای سلێمانی) درووستدەكەن،دوای ساڵێك جیادەبنەوەو دواتر بەناوی (تیپی مۆسیقای سلێمانی)ەوەپێشنیازێك پێشكەش بەوه‌زاره‌تی راگه‌یاندنی عێراق دەكەن و لە(23/5/1973)دا مۆڵەتی کارکردنوەردەگرن.دامەزرێنەرانی فه‌رمی بریتین لەهونەرمەندان(انور عمر قرەداغی-فریدون سعیددارتاش-فرید عیسی نه‌زه‌ر-ولیمیوحنا-محمدأمین حسین)…لەوساوە تا ئێستا ئەم تیپە بەردەوام و بەشێوازێكی زانستیانە. بەفۆرمی جۆراوجۆر،بەپێی سەردەمەكان بەرەچاوكردنی رەسەنایەتی كار بۆپێشخستنی هونەری مۆسیقاو گۆرانی كوردی دەكات‌،داهێنانی زۆری هه‌یه‌ لەگەشەپێدانی فۆلكلۆری كوردی و دانانی ئاوازو شێوازی نوێی ئامادەكردن ودابەشكردن وباگراوند و كاركردن لەسەر شێوازی كۆرال و بەكارهێنانی ئامێرە میللی و رۆژئاوایـیەكان،رۆڵی زۆری هەبووە لەدەرخستن و پێگەیاندنی تواناو روخساری نوێ‌،چەندین هونەرمەندی كوڕو كچی گەیاندۆتە ئەو ئاستەی ئێستا ناویان لەناو هونەری كوردیدا لەناوەوەو دەرەوەی وڵات درەوشاوەیە،رۆڵی كاریگەریی و ئەكتیڤی هەبووە لەهاندانی رەگەزی مێ‌ بۆكاركردن لەدنیای هونەردا ،زیاتر لە(300) هونەرمەندی بەتوانا بەشداری لەم تیپەدا كردووە،زۆر لەگۆرانیبێژە ناودارەكانی كورد لەگەڵیدا بەشداربوون لەوانە (عەلی مەردان- تایەر تۆفیق – رەشۆل – رەسول گەردی – حەمە صاڵح دیلان – حسێن عەلی- حەسەن زیرەك– محه‌مه‌دی ماملێ- باكووری – هۆمەر دزەیی- شەماڵ صائیب – فوئاد ئەحمەد – تەحسین تەها – بێژەنی كامگار- حەمەجەزا عەلی-ناسری ره‌زازی و… كەلیكی دی. ،کاریگه‌ری زۆری هه‌بووه له رووی ‌ستایل و‌شێوه‌ی کارکردن ‌بۆ ئەو تیپانەی دوای ئەو مێژووه‌دروستبوون،،لەزۆر بۆنە گشتیی‌و نەتەوایەتی و تایبەتییەكاندا بەشداری كردوەو ساڵانە بەرهەمەكانی پێشكەش و بڵاوکردۆته‌وە،بەسەدان بەرهەمی لەرادیۆو تەلەفزیۆنەكاندا تۆماركردووە،بەشداری چەندین فێستڤاڵ و كۆنسێرتیله‌ ناوەوەو دەرەوەی وڵاتی كردووە،چەندین ئاوازدانەری تیادا هەڵكەوتووە كەئێستا ئەوئاوازانە بەشاكارە هونەریەكانی مۆسیقای كوردی ناوزەدە دەكرێن.بۆماوەیەك پەخشی رادیۆیی كردوە بەناوی(رادیۆی بەرنامەی مۆسیقا).
لەرووی هونەری ومەعنەویەوە هاوكاری گەلێك تیپ و گروپی هونەریی كردووە،زۆرینه‌ی ئه‌ندامه‌کانی له‌ناو تیپه‌کانی چالاکی قوتابخانه‌کان و تیپی زانکۆی سلێمانیدا بوون، بەهاوكاری ئەندامانی ئەم تیپە هونەرمەندان (خالید سەركار- فەرەیدون دارتاش) یەكەمین تیپی مۆسیقای تایبەت بەكچانی سەربە ئامادەیی سلێمانی كچان دروستبووە، ، هەر لەسەر دەستی ئەندامەكانیدا ،تیپەكانی مۆسیقای منداڵانی(نەورۆز-بەسەرپەرشتی مامۆستا عوسمان محەمەد ئەمین) و(پیرەمێرد- بەسەرپەرشتیمامۆستاصلاح رەوف) و(دیلان – بەسەرپەرشتیمامۆستافرنسیس داود) و(شێخ مەحمود – بەسەرپەرشتیمامۆستادلێر ئیبراهیم)دروستبووه‌.لەرۆژە سەختەكانی خەباتی نەتەوایه‌تیماندا،لەناو شۆرشەكاندابەهونەروپێشمەرگایەتیبەشداری تیپه‌کانی مۆسیقای(شۆرش)و(شه‌هیدکارزان)ی کردووه‌.لەساڵی (1975)بەدواوە زۆر لەئەندامانی تیپەکه‌ بۆ خواروی عێراق دوورخراونەتەوە،لەگەڵ ئەوەشدا چالاكییەكانی بەردەوامبووە،لەدوای ساڵانی هەشتاوە ئەندامه‌کانی دەكەونە ژێر فشارو هەرەشەی رژێمی بەعس،لە(گرتن و ئازاردان و ڕاونان و شەهیدكردن)،هەربۆیە ماوەیەك بە ئاشكرا چالاكییەكانیسڕ ده‌کات،بەڵام بەنهێنی بەردەوامدەبێت.ئەگەرچیلەرووی ئەرشەفە كردن وتۆماركردنی بەرهەمەكانی تیپەوە بەپێی ساڵی پێشكەشكردن گەلێك كەمووكورتی دەردەكەوێت،دیارە ئەوەش لەبەر هۆكاری ئەو سەردەم و بارودۆخەی پیایدا تێپەڕیوە.
ئەم تیپە ساتلەدوای ساتوبەئێستاشیەوە زیاتركارە هونەریەكانی روو لەگەشەكردنه‌،بەهەستی هونەریی بەرزوبەبەرپرسیارێتی نەتەوەیـیەوە كاری بۆ داهاتوو ده‌کات ,له‌چه‌ند مانگی داهاتوودامۆمی 49 ساڵه‌ی ته‌مه‌نی داده‌گیرسێ،
ماوەتەوە بوترێت لەخەسڵەتە هەرە دیارەكانیتیپی مۆسیقای سلێمانی
* فێرگەیەكە بۆ هونەرو داهێنان.خانەیەكە بۆ بەرزڕاگرتنی هەڵوێستی نەتەوایەتی,قوتابخانەیەكە بۆ پەروەردەو فێربوونی نەرێتی بەرزی كوردایەتی.گەنجینەو ئەرشیفێكی فراوانە بۆ پاراستنی رەسەنایەتی.
رێزی بێ پایانمان بۆ مه‌ڵبه‌ندی هونه‌ری ماملێ وخانه‌واده‌ به‌ ئه‌مه‌که‌که‌یان که‌ ده‌ستیڕێزیان خسته‌ سه‌ر تیپه‌که‌مانه و جارێکی تر په‌یوه‌ستیان کردین به‌وه‌ی په‌یمان نوێ بکه‌ینه‌وه‌ بۆ گه‌له‌که‌مان ، به‌رده‌وام بین له‌سه‌ر خه‌باتی هونه‌ریمان، به‌هیواین له‌ (50) یه‌مین ساڵیادیته‌مه‌نماندا به‌ رووی سبی بیینه‌وه‌ به‌رده‌م به‌ڕێزتان سوپاس ویێزانینمان بۆ گشت ئەولایەن و كەسایه‌تی هونه‌رمه‌ندانەی لەكاتی پێویستدا بە ده‌نگمانەوە هاتوون ،،، سڵاوو رێزمان بۆ هه‌موو ئه‌و ئه‌ندامانمان كه‌ به‌هه‌رهۆیه‌ك بێت لێمان دوورن سلاو له‌ گیانی پاكی هونه‌رمه‌ندانی كۆچكردوومان مامستا ولیم یوحنا كاكه‌ حسینی جمبش شه‌هیدی نه‌مر قادر كابان كاكه‌ ابراهیمی خه‌یات كاك حه‌مه‌ ره‌زا كاك عوسمان عه‌لی خه‌یات ، كاكه‌ جمال كابان دواجاریش هونه‌رمه‌ندی مه‌زنی گه‌له‌که‌مان ماموستا كه‌ریم كابان كه‌ تائیستاش له‌م مه‌راسیمه‌دا حسابی زیندویبۆ ده‌كرێ , له كۆتاییدا دروود بۆ گیانی پاکی سه‌رجه‌م هونه‌رمه‌ندان و ئه‌و خه‌باتگێڕانه‌ی ژیانیان بۆ جوانیه‌کانی هونه‌ر و نیشتیمان به‌خشی .. ئێوه‌ش ‌هه‌ر سه‌رکه‌وتووبن .

ئامادەکردنی وتار : هوشیار ئەحمەد سکرتێری تیپ
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

وتاری مەڵبەندی هونەریی ماملێ
خوێنەر : وریا ماملێ

Rudaw.net

میوانانی ئازیز،بەشداربوانی بەڕێز و هونەردۆستانی هێژا

بە ناوی مەڵبەندی هونەریی ماملێ‌وە بەخێرهاتنی هەموو ئێوەی خۆشەویست دەکەم و سپاسی ئێوەی ڕێزدار دەکەم کە بە هاتنتان گەورەتان کردووین و گڕوتێنێکی تایبەتیتان بەم کۆڕە بەخشیوە. منیش بە نوێنەرایەتی ئەم مەڵبەندە خۆم بە میوانی ئێوەی ئازیز دەزانم.
بەڕێزان!
بەر لە هەموو شتێک جێی خۆیەتی سەری کڕنۆش و ڕێز دانەوینین بۆ خەباتی شەهیدە سەربەرزەکان، تێکۆشانی پێشمەرگە،گەریلا و شەرڤانە قارەمانەکان و کەمئەندامە گیانفیداکانمان.
لە سێبەری ئەوان لە باشوور و ڕۆژئاوای نیشتمان هەناسەی ئازادی هەڵدەمژین و ئاواتەخوازیشین کە داری ئازادی لە باکوور –و– ڕۆژهەڵاتمان بەر بهێنێت و لە کرماشان،ئامێد، وان –و- سنەی کوردان بۆ دیلانگێڕانی ئازادی و بۆنەی لە چەشنێ ئەمڕۆ، بە یەکتر شاد ببینەوە و گووڵوەشانی هونەر و جوانی بکەین.
ئازیزانم:
“خاڵە قازی” شاعیری هاوچەرخی کورد پێی وایە ٢ی ڕێبەندانی پیرۆزی لێ دەر بچێت، وەرزی زستان، وەرزێکی بێوەفایە بەرانبەر بە هونەر و هۆنەری کورد.
ئەم هۆزانە لە هەڵبەستێکی خۆی دا کە بۆ کۆچی‌دوایی ماملێ‌ی هۆنیوەتەوە، ئاوا دێتە گۆ:

چ هەواڵێکە لە دووری ڕا دێ
دەنگ و باسێکە لە شار و لادێ

وەک دەڵێن، بولبولی بە چریکە فرێ
ئەوە دیسان، قەلی زستانە قڕی

هەموو ساڵێک کە بەرەو نەورۆزین
چاوەڕێی جەژنێ گەلێک پیرۆزین

هەوری ڕەش دێت و دەتۆرێنێ هەتاو
ڕەش دەپۆشن گەلێکی دڵ سووتاو
بەڵێ، وا ئەمجارەش زستان هات و هەواڵێکی ڕەشی پێ‌بوو. هات و ئەمجارەش هونەرمەندێک، دەنگێکی ئاسمانی و بلاوێنی لێ ئەستاندین. مامۆستا کەریم کابان ئەو هونەرمەندە هێمنە بوو کە بە شێوەژیانی هونەرمەندانەی خۆی ئەو پەیامەی بە گوێچکەمان دا دەچرپاند کە هونەری ڕاستەقینە دەبێ بە هێمنی بۆی بتۆیەوە، وەک گوڵێکی نازدار و جوان پێێ ڕابگەی و بە هەرزان نەیفرۆشی. ژیانی مامۆستا خۆی هەڵگری پەیامێکی ڕوون و وانەیەکی بێ‌وێنەیە بۆ ڕێبوارانی هونەر.

بڕێار وابوو کە مامۆستا کەریم کابان ئەمشەو لەم کۆڕەدا بەشدار بێت و وێڕای تێکۆشەرانی تیپی مۆسیقای سلێمانی شانازیی ئەوەی پێ بەخشیباین کە خەڵاتی ماملێ‌ی لە دەست وەرگرتباین، کەچی، هەنووکە گشتی ئێمە ئەم خۆزگەیەمان لە دڵ دایە کە لەم کۆڕەدا لەگەڵمان بەشدار بووبا و بە بوونی خۆی هەموو ئێمەی خەڵات بکردایە.
لێرە دا بە پێویستی دەزانم وێڕای سەرەخۆشیکردن لە نەتەوەی کورد و ئەڤیندارانی هونەر و دەنگی مامۆستا کەریم کابان، پرسە و سەرەخۆشی خۆمان ئاڕاستەی هەموو ئەندامانى بنەماڵەی ئەم مامۆستا مەزنە و هەموو هونەرمەندانى کوردستان و بەتایبەتی تیپى مۆسیقاى سلێمانى بکەین.
ڕۆحیان شاد و ڕێگەیان پڕڕێبوار.

هاونیشتمانانی ئازیز!
مەڵبەندی هونەری ماملێ لە ساڵی ٢٠٠٩ی زایینییەوە بە فەرمی کاری خۆی دەست پێ کردووە. بنەمای ئەم مەڵبەندە لە سەر هزر و هیوایەکی لەمێژینەی “ماملێ” دامەزرا کە بەردەوام ئاواتی دەخواست کورد ببێتە خاوەن بنکە و شوێنێکی بێلایەن و سەربەخۆ کە بتوانێ هاندەر و یاریدەدەری هونەر و هونەرمەندان بێت. بەڵام مەخابن تا ئەو لە ژیان دابوو ئەو ئاواتە نەهاتە دی.
بە دڵنیاییەوە گەر ئەمڕۆ ماملێ خۆی لە ژیاندا بوایە و هەل و مەرجی کوردستانیش لەگوێن ئەمڕۆ بایە، ئەم مەڵبەندەی بە شێوەیەکی زۆر بەرزتر و جوانتر بەڕێوە دەبرد و ڕێزی هونەرمەندانی کوردیش بە شێوەیەکی ژیرانەتر دەگیرا.

گوومان لەوە دا نییە کە هەڵسووڕاندنی وەها بنکەیەک، پێویستی بە پشتیوانییەکی هەمەلایەنە هەیە و شتێک نییە کە ووزەی باهۆی چەند کەسێکی ئێمەئاسا لە ڕۆستی بێت، بەڵکوو هەنگاوی بوێرانە، ئەمەکی کوردانە و لەخۆبوردوویی تاک و کۆی گەرەکە. بۆنەکەی ئەمڕۆمان ئاوێنەیەکی تەواونوێنی ئەم گرنگەیە کە ئاماژەی پێ‌درا و ڕەنج و ماندووبوونی کۆمەڵێک مرۆڤی نیشتیمانخۆشەویست هەوێنێتی. بۆیە تکامان وایە سەرەڕای هەر چەشنە کەم‌وکووڕییەک، بە هەنگاوێکی بچووک بەڵام، ڕوو لە ئاسۆ خوێندنەوەی بۆ بکەن.
هۆمێد دەکەین کە لە کۆمەڵگای خۆشماندا کاری جددی بۆ ئەوە بکرێ کە چیتر لە پاش کۆچی دوایی هونەرمەندان و دڵسۆزانی گەل، لە خەمی خۆشەویستییان نەکەوین و سپاس و پێزانینی خۆمان لە کاتێکدا ئاراستەی ماندوونەناسان بکەین کە خۆیان لە نێومان دا ماون.
مەڵبەندی هونەری ماملێ گەر بۆی نەلوێت وەک پێویست هەنگاو بنێت بەڵام، بە پێی توانا و بوارێ گونجاو ئەم ئەرکەی خستۆتە سەر شان تا ساڵانە هونەرمەند یا هونەرمەندەکانی نەتەوەی کورد، بێلایەنانە،بێگەرد و تەرازوومەند بەربژێر بکات و خەڵاتی ماملێ‌ی پێشکەش بکات.
لە ڕوانگەی مەڵبەندوە ئەم خەڵاتە نەک لە ڕووی مادییەوە، بەڵکوو لە ڕووی لایەنی مەعنەوییەوە بایەخی هەیە.

ئێمە لە ڕاپەڕاندنی ئەرکەکانی ئەم مەڵبەندە لە بواری مەعنەوییەوە خۆمان بە قەرزداری کۆمەڵێک مرۆڤی دڵسۆز و نیشتیمانپەروەر دەزانین کە دڵسۆزانە پشتیوانیان کردووین و بە هیچ کلۆجێک توانا و بڕستمان نایبڕێ تا وەڵامدەرەوەی ماندووبوون و خەمخۆرییان بین. بۆیە هانا دەبەینە بەر دەرگای واڵا و دەریای بێ‌ڕۆخی ووشە، بەڵکوو لە شوێن ئێمە دەست بە سینگەوە بگرێت و سەری رێز و نەوازیش لە بەرانبەریاندا،دانوێنێ.
لە بواری مادیشەوە شانازی دەکەین کە سەربەخۆین و سەرەڕای هەبوونی کەم‌وکووڕی و لاوازییەکانمان هەوڵمان داوە و تێدەکۆشین تا لە ئاواتەکەی ماملێ لا نەدەین و سەربەخۆییمان تا هەتایە بپارێزین. هاوکات دەستی هاوکاری بۆ ئێوەی هێژا و هەر کوردێکی دڵسۆز ڕادەکێشین تا لە تێبینییە وورد و ڕەخنە چاکسازییەکانتان بێ‌بەش نەبین و یاریدەدەرمان بن بۆ بەڕێوەبردنی ئەرکەکانمان لەم بنکەیە دا.
خۆشەویستان!

کەم نین ئەم مرۆڤانەی لە مەتەڕێزی هونەرەوە بەرەنگاری ئەو ڕەشپەرستانە دەبنەوە کە خەونی تواندنەوەی نەتەوەییمان دەبینن. کەم نین ئەم هونەرمەندانەی کە نازی ووشە و بەندی کوردیمان بە هەوای ئاوریشمی و دەنگی ئاسمانی خۆیان دەپارێزن.
ئێوە،
بەڵێ ئێوە تێکۆشەرانی تیپی مۆسیقای سلێمانی، هونەرمەندانی بەرپرس و دەروەست گەل، ئێوە وێنەیەکی دیاری ئەم چەشنە هونەرمەندانەن کە بە درێژایی پەنجا ساڵ لە تەمەنی پڕ لە شانازیتان ئەو مەتەرێزەتان بەرنەداوە و لە ڕۆژانی تاڵ و شیرنمان دا بلاوێنمان بوون و نازتان کێشاوین. ئێوە شایانی دەیان خەڵاتی لەمە گەورەترن. ئێوە بە دەستی بەتاڵ پلەکانی سەربەرزیتان بڕیوە بە چەشنێک کە جێی خۆیەتی گشت هونەرمەندانی جیهان شانازیتان پێ بکەن و ئێرەییتان پێ بەرن.
هەر بەم بۆنەوە مەڵبەندیی هونەریی ماملێ بە هەست و سۆزەوە، ڕێز لە لێهاتویی –و- خزمەتە گەورەکانتان بە هونەر –و- هەموو بەرخۆدانی کۆڵنەدەرانەتان دەگرێت –و- بەوپەڕی شانزییەوە خەڵاتی ساڵی ٢٠١٦ی ماملێتان پێشکەش دەکات.
هیوادارین وێنەتان لە گەشە دا بێت بۆ کورد و کوردستان.
لە کۆتاییدا به ناوی مەڵبەندی هونەری مامڵی‌وە سپاسی هەموو ئەو بەڕێزانه دەكەین کە دەستی هاوکارییان بۆ درێژ کردین تا بۆنەی ڕێزگرتن لە ئێوە هونەرمەندانی تیپی مۆسیقای سلێمانی بە شێوەیەکی شیاو بەڕێوە بەرین. سپاسی تایبەتی خۆشمان ئاراستەی بەڕێوبەرایەتی کەلەپووری کوردی دەکەین کە لەم گرنگەدا قۆڵی برایەتیی و زەحمەتێکی زۆریان هەڵماڵی و ئەم مەڵبەندەیان بە هی خۆیان زانی و ئێمەیان قەرزداری خۆیان کرد.
سپاس بۆ ئەو کاتەی پێتان بەخشیم
بژین بۆ کورد و کوردستانی بژین
مەڵبەندی هونەریی ماملێ
٣ی ڕێبەندانی ٢٠١٦

ئاڵبۆمی ڕێژنە
دوایین بەرهەمی محەممەد ماملێ

بۆ کڕینی ئۆرجیناڵی ئاڵبۆمی "ڕێژنە"، دەتوانن پێوەندی بەم ئیمایلەوە بکەن:
info@mamle.net
هەروەها بۆ گوگرتنی ئانڵاین دەتوانن کرتە لەسەر وێنەکە بفەرموون.

لالە بە دەستان
هاشم نانەوازادە

بۆ خوێندنەوەی ئەم پەرتووکە دەتوانن کرتە لەسەر وێنەکە بکەن.

گۆرانییەکانی ماملێ

Here is the Music Player. You need to installl flash player to show this cool thing!