Get Adobe Flash player
“سووڕی دەوران”ی
“سووڕی دەوران”ی

بۆ کڕینی ئۆجیناڵی ئاڵبۆمی "سووڕی دەوران"ی مامۆستا هێمن موکریانی، پێوەندی بەم ئیمایلەوە بکەن:
info@mamle.net
یان کرتە لەسەر ئەم وێنەیە بکە.

Telegram
Telegram

بە کرتە کردن لەسەر ئەم وێنەیە، دەتوانن میوانی پەیجی تێلێگڕامەکەمان بن.

یادی بەخێر
یادی بەخێر

بۆ خوێندنەوەی ئەم پەرتووکە دەتوانن کرتە لەسەر وێنەکە بکەن.

بازی بێریان
بازی بێریان

بۆ خوێندنەوەی ئەم پەرتووکە دەتوانن کرتە لەسەر وێنەکە بکەن.

مەڵبەندی هونەریی ماملێ ساڵانە هەوڵ دەدات پاش لێکۆڵینەوە و ڕاوێژی کۆمیتەی بەربژێرکار، هونەرمەند یا هونەرمەندانێکی چالاک لە بوارە جیاوازەکانی مۆسیقا، دەستنیشان بکات و خەڵاتی هونەری/مەعنەوی ماملێ، لە بۆنەیەکی تایبەت دا گەر بۆی بلوێ ، پێشکەش بکات.

مەبەست لە بەخشینی ئەم خەڵاتە ڕێزگرتن و ئاوڕدانەوەیە لە خەباتی هونەریی هونەرمەندانی بێنازی  کورد کە بە دەستی بەتاڵ و بە هەبوونی جۆرەها کەمایەسی لە ژیانی هونەری و تاکەکەسیی خۆیاندا،  بڕەویان بە هونەری کوردی داوە. 

کۆمیتەی بەربژێرکاری ئەم مەڵبەندە کە پێکهاتووە لە چەند کەسایەتییەکی شارەزا و بەئەزموون لە بوارە جیاوازەکانی هونەری و ئەدەبیدا، ئەم ساڵ بە کۆی دەنگ پاشای هونەری گۆرانیی کوردی، مامۆستا “مەزهەر خاڵەقی”یان بۆ ئەم خەڵاتە دەستنیشان کرد.

خزمەتەکانی مامۆستا مەزهەر بە هونەریی کوردی ئەوەندە زۆرن کە لە ئەژمار نایەن. بەڕێزیان جیا لە نوێکاری لە گۆرانی کوردی دا  و نەخشاندنی ئەم گۆرانییانە بە مۆسیقایەکی زانستی و سەردەمیانە، بە تێکەڵاوکردنی تێکستی جوان و ڕازاوە بۆ  مێلۆدییەکانی، وەها تابڵۆیەکی ڕەنگینی بۆ کورد  کردۆتە دیاری کە هەرکام لەم ئاوازانە بوون بە ناسنامە بۆ مێژوی هونەریی کورد.

هەروەها خزمەتی بەڕێزیان بە زۆر لە گۆرانیی فۆڵکلۆرییەکوردییەکان کە هەرکام سووچێک بوون لە سەربوردەی گەلێکی بێبەش کە بەداخەوە لەوپەڕی هەژاریی‌دا قەتیس مابوونەوە.  ڕازاندنەوەی ئەم گۆرانییانە لە قاڵبی ئۆرکێسترێکی زانستی و شایاندا، بەشێوەیەک کە ڕەسەنایەتی و مۆركی میللییان پارێزراو بوون، بە چەشنێک کە هەنووکەش ئەم ئاسەوارە هونەرییانە بوون بە ڕووسووری هونەری کوردی و وەچەبەوەچەی کورد شانازییان پێ‌دەکات و  چەشنی  “تاق وەسان”، هەردەم زیندوو و هەرمانن.  

 

مامۆستا مەزهەر بۆ گەشەپێدانی کولتوور و هونەری کوردی بێوچان لە تێکۆشان دابووە و لە ساڵی ٢٠٠٣ی زایینی بە بونیادنانی سەنتەرێک بەناوی (ئەنستیتیوتی كەلەپووری كورد)، لەهەوڵدا بوون تا لەناو جەرگەی كوردستان و بە شێوەیەكی سەربەست و ئازادانە، درێژە بە خەباتی نەپساوەی كولتووری و هونەری بدات. هەر لەم پەیوەندییەدا بەدەیان ئاسەواری بەربڵاوی هونەری لە هونەرمەندانی دەڤەرە جۆراوجۆرەکانی کوردستانی کۆکردەوە  کە هەردەم مەترسی فەوتانیان لەسەر بووە و لە کۆی ئاڵبۆمێکی فەرمی‌دا بە ناوی (یادگارییەکان)، پێشکەشی بە ئەویندارانی هونەریی کوردی کردەوە. ئەوە جیا لەکۆکردنەوەی ئەم ئاسەوارە کولتوورییە جۆراوجۆرانەیە کە لە دەڤەرە جیاجیاکانی کوردستان دا پاراستوونی.
مامۆستا مەزهەر  لە ڕێگای (ئەنستیتیوتی كەلەپووری كورد)،  دەیان كتێبی بڵاو كردووەتەوە، كە بۆ ئێستا و داهاتووی كورد دەبنە سەرچاوەیەكی باوەڕپێكراو . ئەوە یەکەمجارە لە مێژووی کوردستان دا  کە بنکەیەک بە شێوەیەكی زانستی و مۆدێرن بایەخ بە كولتووری زارەكی بدات و وەك كولتوورێكی نوێ‌، بە كۆمەڵگەی جیهانی بناسێنێت.

 

وا بڕیارە مەڵبەندی هونەریی ماملێ مەراسیمێکی ڕێزلێنان ئامادە بکات و لەم بۆنەیەدا خەڵاتی  ماملێ ٢٠١٧ پێشکەشی ئەستێرەی گەشی موزیکی کوردی، مامۆستا خالەقی بکات. وا باوە کە هەموو ساڵێک لە ساڵیادی کۆچیدوایی ماملێ دا ئەم بۆنەیە بەڕێوەبچێت بەڵام،  ئەمساڵ بە چەند هۆیەکی تایبەتەوە ئەم بۆنەیە دەگوازینەوە بۆ مانگەکانی داهاتوو و ئێوە ئەویندارانی هونەر و موزیکی کوردی لە شوێن و کاتی مەراسیمەکە، لە ڕاگەیەندراوێکی تایبەت‌دا، ئاگادار دەکەینەوە.

بە سپاسەوە

مەڵبەندی هونەریی ماملێ

١٩/٠١/٢٠١٧
ــــــــــــــــــــــــــــــــــــــــــــــــــــــــــــــــــــــــــــــــــ
هەر وەک پێشتر ڕامانگەیاند، مەڵبەندی هونەریی ماملێ بڕیاری دا خەڵاتی ماملێ بۆ ساڵی ٢٠١٧ی  خۆی پێشکەشی پاشای هونەری گۆرانیی کوردی، مامۆستا خالقی بکات.  بەپێی نەریتی خۆی،  باوە کە ساڵانە ئەم خەڵاتە دە مەراسیمێکی ڕێزلێنانی شایان دا و دە ساڵیادی ماملێ دا پێشکەش بە هونەرمەندان دەکریت.

 ئەمساڵ لەبەر چەند هۆکارێکی تایبەت، کاتی مەراسیمەکەمان وەپاش کەوت. ئەم پاشکەوتنە بوو بە هۆی ئەوە کە کاتێکی زۆرترمان هەبێت بۆ خۆئامادە کردن بۆ مەراسیمێکی تەسەلتر و کۆکتر . بۆیە بریارمان دا تا بۆنەی ڕێزلێنان لە مامۆستا خالقی لە کۆی فێستیڤاڵێکی پڕناوەرۆکی کوردی دا لە ستۆکهۆڵم، پێتەختی وڵاتی سوئێد بەرێوە بچێت.

 

بۆ ئەم مەبەستە کۆمیتەیەکی ئامادەکار لە دڵسۆزانی هونەری کوردی پێکهاتووە و لە سێبەری زەحمەتکێشان و هاوفکری ئەوانەوە بڕیار وایە  ڕۆژی یەکشەممۆ ۲۱ی مانگی مای کاتژمێر ۹:۳٠ بەیانی، دەستپێکی فێستیڤاڵەکە، پێشانگایەکی هونەری/ کولتووری بێت. لەم پێشانگایە دا بەرهەمی چەندین ساڵەی تێکۆشانی خەباتکارانی ئەنستیتیۆتی کەلەپووری کورد لە باشووری کوردستان دەخرێتە بەر چاو. ئەم ئەنستیتیۆتەی کە مامۆستا مەزهەر خالقی دامەزرێنەر و بەرێوبەری ئەم بنکەیە بووە و هەیە. شایانی گوتنە کە لەم پێشانگایەدا.وێنەی تایبەت بە دیاردە کولتوورییەکان دەخرێنە پێش چاوی میوانان.
 هەروەها فیلم و ویدیۆی تایبەت کە بەرهەمی تێکۆشانی ئەم ئەنستیتۆتەیە پێشان دەرێن و ئەو بەرهەمە دەنگییانەی کە بە ئاڵبۆمی “یادگارییەکان” ناسراوە و  ئەنستیتیۆتی کورد لە هونەرمەندان و دەنگبێژانی ناوچە جۆراوجۆرەکانی کوردستان کۆی کردۆتەوە، لەبەردەست دا دەبێت.

لە بڕگەیەکی تری فێستیڤاڵەکە دا سێمینارێک بەرێوە دەچێت لە ژێر ناوی کارتێکەریی موزیکی کوردی لەسەر “زیندوومانەوەی ناسنامەی نەتەوەیی گەلی کورد” کە مامۆستا خالقی و دوو کارناسی تر بەشداربووی ئەم سێمینارە دەبن.

پاشان مەراسیمی ڕێزلێنان لە مامۆستا خالقی و بەخشینی خەڵاتی ماملێ بە بەرێزیان بەرێوە دەچێت. لەم ڕێ‌وڕەسمەدا کورتە فێلمێک لەسەر ئەنستیتیۆتی کەلەپووری کورد و مەڵبەندی هونەریی ماملێ پێشان دەدرێت و هەروەها بە خوێندنەوەی هەڵبەست، پەخشان، بابەت و نووسراوە، درێژە بە فێستیڤاڵەکە دەدرێت. دوابەشی بەرنامەکە پێشکەشکردنی خەڵاتی ۲٠۱۷ ی ماملێ بە مامۆستا مەزهەر خالقی یە کە دەبێتە دوا بەشی فێستیڤاڵەکەشمان.

بەشداریکردنی ئێوەی هێژا لەم فێستیڤاڵەدا بێ بەرانبەرە و بڵیت و تیکێت نافرۆشرێ. هاتنتان جوانی دەبەخشێتە بۆنەکەمان.

هەموو لایەک بە خێر بێن!

 

ڕێکەوت: ۲۱/٠٥/۲٠۱۷

کاتژمێر: ۹:۳٠ــ ۱٥:۳٠

 شوێن:

 ABF – HUSET

Z-SALEN

Sveavägen 41

11183 – Stockholm

Sverige

ئاڵبۆمی ڕێژنە
دوایین بەرهەمی محەممەد ماملێ

بۆ کڕینی ئۆرجیناڵی ئاڵبۆمی "ڕێژنە"، دەتوانن پێوەندی بەم ئیمایلەوە بکەن:
info@mamle.net

لالە بە دەستان
هاشم نانەوازادە

بۆ خوێندنەوەی ئەم پەرتووکە دەتوانن کرتە لەسەر وێنەکە بکەن.

گۆرانییەکانی ماملێ

Here is the Music Player. You need to installl flash player to show this cool thing!