Get Adobe Flash player
بەڵێ بۆ سەربەخۆیی
بەڵێ بۆ سەربەخۆیی
یادی بەخێر
یادی بەخێر

بۆ خوێندنەوەی ئەم پەرتووکە دەتوانن کرتە لەسەر وێنەکە بکەن.

بازی بێریان
بازی بێریان

بۆ خوێندنەوەی ئەم پەرتووکە دەتوانن کرتە لەسەر وێنەکە بکەن.

“سووڕی دەوران”ی
“سووڕی دەوران”ی

بۆ کڕینی ئۆجیناڵی ئاڵبۆمی "سووڕی دەوران"ی مامۆستا هێمن موکریانی، پێوەندی بەم ئیمایلەوە بکەن:
info@mamle.net
یان کرتە لەسەر ئەم وێنەیە بکە.



جا چ بکه‌ین؟

له‌ هه‌وار ماملێ مرێم بێنێ
هێند به‌ ئارامی که‌ شیر، نه‌رژێنێ
جوانه‌ چارۆکه‌ به‌ دابی بڵباس
له‌ په‌ڕی مێشێ ته‌نک تر بێ کراس
ڕه‌نگی خۆش بێته‌ په‌نای ده‌نگی خۆش
شێت و شوورن ده‌می خۆش ، بیر و هۆش
به‌سته‌یه‌کی من ئاوازی ئه‌و
رازی دڵخوازی من و سازی ئه‌و
وه‌رگرین باده‌ له‌ ده‌ست مه‌یگێڕێ
خۆش و مه‌ستانه‌ بڵێین چه‌ند دێڕێ

مامۆستا هه‌ژار موکریانی

*************************

 

یادم بکه‌ن

له‌و ده‌مه‌یدا پیاڵه‌ ده‌درێن له‌ پیاڵه

له‌و ده‌مه‌یدا لێوتان به‌ باده‌ ئاڵه‌
له‌و ده‌مه‌یدا کۆڕی شادی ده‌به‌ستن
له‌و ده‌مه‌یدا سه‌رخۆش و موستی مه‌ستن
له‌و ده‌مه‌یدا که‌ ده‌گرن باز و ده‌روان
له‌و ده‌مه‌یدا ده‌ست ده‌گێڕن له‌ به‌روان
له‌و ده‌مه‌یدا ده‌س له‌ به‌ژنان وه‌ردێنن
له‌و ده‌مه‌یدا به‌رکۆژه‌ ده‌ترازێنن
له‌و ده‌مه‌یدا گه‌ڕی ڕه‌شبه‌ڵه‌ک گه‌رمه‌
له‌و ده‌مه‌یدا ده‌کشون کام په‌نجه‌ نه‌رمه‌
له‌و ده‌مه‌یدا دۆ ده‌که‌ونه‌ خۆڕانان
له‌و ده‌مه‌یدا که‌ ده‌کوشن گوڵمه‌ی ڕانان
له‌و ده‌مه‌یدا تامه‌زرۆن له‌ جێژوانان
له‌و ده‌مه‌یدا به‌خۆوه‌ ده‌کوشن جوانان
له‌و ده‌مه‌یدا گڕ ده‌گرێ مه‌یل و تاسه‌
له‌و ده‌مه‌یدا تێک هه‌ڵنگون هه‌ناسه‌
له‌و ده‌مه‌یداکه‌ ده‌مژن شه‌کره‌ لێوان
له‌و ده‌مه‌یدا نه‌بن له‌مپه‌ر و نێوان
له‌و ده‌مه‌یدا پۆلی بێریان ڕاده‌بڕن
له‌و ده‌مه‌یدا کیژ چاوتان لێداده‌گرن
له‌و ده‌مه‌یدا گوێ هه‌ڵده‌خه‌ن بۆ تارێ
له‌و ده‌مه‌یدا ( ماملێ ) ده‌ڵێ قه‌تارێ
یادم بکه‌ن ، یادی منی دور وڵات
یادی منی ڕێبواری ڕێگه‌ی خه‌بات
یادی منی بێ به‌ش له‌ خۆشی و شادی
یادی منی سه‌وداسه‌ری ئازادی

مامۆستا هێمن موکریانی

**********************

به‌سته‌ی بێده‌نگی

ئه‌ی بولبولی موکریانی
دڵت پڕه‌ له‌ گۆرانی

نه‌ زمانی شیرنت هه‌یه‌
نه‌ گوێت له‌ ده‌نگی ئێمه‌یه‌

نه‌ شاره‌زای ده‌نگ و باسی
نه‌ ئیدی که‌سێ ده‌ناسی

به‌ چاوانی چاوه‌ڕوانی
بۆ په‌نجه‌ره‌کان ده‌ڕوانی

مه‌ڵی داری حه‌ساری خۆت
به‌ سۆزه‌وه‌ ده‌خوێننن بۆت

“به‌ دڵێکی پڕ له‌ خوێنه‌وه‌ ”
گۆرانی تۆ ده‌ڵێنه‌وه‌

بولبوله‌کان ده‌چریکێنن
له‌ باتی ماملێ ده‌خوێنن

به‌ڵام نایه‌ له‌ ده‌ست وان
به‌سته‌ی گه‌رم و گۆرانی جوان

په‌له‌وه‌ری داری حه‌سار
نازانێ حه‌یران و قه‌تار

بوبوله‌کانی کوردستان
باڵنده‌ی گه‌رمێن و کوێستان

هاتوون بۆ گۆرانی تازه‌
له‌و ماڵه‌ بێ ناز و سازه‌

ده‌فڕی له‌ ده‌وری حه‌سارێ
به‌ر په‌نجه‌ره‌ و سه‌ر دیوارێ

ئێستاکه‌ به‌سته‌ی بێده‌نگی
ئاهه‌نگی ساردی دڵته‌نگی

گۆرانی تازه‌ی ماملێیه‌
کاروانه‌ و هه‌ر خه‌می پێیه‌

ناڵه‌ی سازی ئه‌و ئاوازه‌
خورپه‌ی دڵێکی بێ نازه

له‌ دڵه‌وه‌ ده‌چریکێننێ
به‌ چاوه‌کانی ده‌خوێنێ

ئه‌ی بولبولی موکریانی
دڵت پڕه‌ له‌ گۆرانی

ئه‌مجاره‌ش ده‌نگت هه‌ڵبێنه‌
رازی دڵت بدرکێنه‌

چی بوو جه‌رگی هه‌ڵکزاندی
چی بوو زمانی شکاندی

کێهه‌ خه‌می نیشتیمانت
بوو به‌ زنجیری زمانت

چه‌نده‌ت گوڵی په‌ڕپه‌ڕ دیوه‌
دڵی ناسکت له‌رزیوه‌

کام په‌ژاره‌ وای لێکردی
ئاخر چی به‌و ده‌رده‌ی بردی

بۆچی ده‌نگت هه‌ڵناهێنی
رازی ئه‌و داخه‌ ناخوێنی

ئه‌ی بولبولی موکریانی
دڵت پڕه‌ له‌ گۆرانی

پێت خۆشه‌ ده‌نگت هه‌ڵبێنی
به‌سته‌کانی خۆت بخوێنی

ئه‌ی بولبولی به‌‌سته‌ی جوانی
ده‌نگت به‌سراوه‌ ناتوانی

کام گۆرانی زۆر خه‌مینه‌
دڵته‌زێن و ماته‌مینه‌

هه‌وای به‌ سۆزی ئاهه‌نگی
ناگاته‌ به‌سته‌ی بێده‌نگی

مامۆستا شه‌ریف حوسێن په‌ناهی

*********************

بۆ ماملێ

ده‌بوو شادی هه‌موو کوردێ، له‌ نێو ئاهه‌نگی تۆ دابێ
که‌ چی ئێستا خه‌مێکی تۆ، به‌ خه‌ڵکی چاره‌سه‌ر نابێ

ئه‌گه‌ر چی ده‌ردی خامۆشی، له‌ پیری بێ و فه‌رامۆشی
ئه‌گه‌رچی وای له‌ نێو په‌نجه‌ی به‌سامی ده‌رد و ناخۆشی

فه‌رامۆشی نه‌که‌ی ئامان، دڵی خه‌ڵکی وه‌فادارت
هه‌تا دڵ لێده‌دا بابێ، چریکه‌ی ده‌نگی جارجارت

هه‌ڵۆی ده‌نگت که‌ هه‌ڵده‌فڕی، به‌ جێ مابوو هه‌موو سازێ
له‌به‌رچی وا به‌جێ ماوی له‌ هه‌ر ئاهه‌نگ و ئاوازێ

له‌ شه‌وگاری مه‌هابادا، له‌مێژه‌ ده‌نگی تۆ نایه‌
که‌چ و کۆڵانی هێشتا کوو چریکه‌ی تۆی له‌ گوێ دایه‌

به‌ یادی سه‌رده‌وی جاران وه‌ره‌ ئه‌و‌ ده‌نگه‌ هه‌ڵبێنه‌
دڵی کۆڵانه‌که‌نی شاری تامه‌زرۆ بله‌رزێنه‌

شه‌وێ هه‌ڵبێنه‌وه‌ ده‌نگی چریکه‌ی خاڵۆ رێبوارت
ده‌با بکرێته‌وه‌ دیسان هه‌زاران په‌نجه‌ره‌ی شارت

ده‌بوو شادی هه‌موو کوردێ، له‌ نێو ئاهه‌نگی تۆ دابێ
که‌ چی ئێستا خه‌مێکی تۆ، به‌ خه‌ڵکی چاره‌سه‌ر نابێ

مامۆستا شه‌ریف حوسێن په‌ناهی

********************************

(ئەو دەنگە ئەفسوناوییەی لە بەهەشت و دۆزەخی کورد ، خۆیەوە هاتووە)

لە دەراڵ و ماهەکانی دەڤەری موکریانی ئەوین دا

لە بنارە بە گیا و گوڵ و بژوێنەکانی هونەری ئەم وڵاتەسەر بە تەم و خەمگینەدا

هەر کۆترە شینکەی ئاوازە و

لە شەقەی باڵ دەدەن و

هەر پۆلە کەوی ناو گەرووی بەفرە و

هەڵ دەفڕێ،

موکریان لانکەی بەردینی

بەیت و داستان و مەقامە ڕەنگ ئاڵەکانی ناو

ئەم زمانە شیرینەی کوردە

ڕەنگە ڕەگ و بنیچەی

ئەم چریکە و دەنگ و بەیتانە

بچنەوە سەر سۆزی نزا و ناڵەکانی

سەما بە دەوری

ئاگری نێڵ نێل کردووی

ئاگردانی موغی زەردەشت و

گاتاکانی نوێژی خۆشەویستی

بۆ مەزدای رووناکی و

بۆ یەکەم ماچە گزینگی بەیانیانی سەر ئەو لوتکە

موکریان و گۆرانی

موکریان و ئاواز

موکریان و دەنگی خۆش

وەک پێکەوە لە دایک بووبن وایە

قوڵە قوڵی سەرچاوەکانی گەرووی ئەم هونەرەش

هەر لە ناو ڕنوو و بەفری

ئەوێوە هەڵ قوڵیون و

دواتر بە لووزەو

ڕژاونەتە گیانی کوردستانەوە

هونەرمەندی گەورە (حەمەی ماملێ)

جۆگە دەنگێکی ئەو بەفراوە و

قوڕەهاژەیەکی لە گۆی زەماوەندا زرینگاوەی

تاڤگەکانی مێژووی ئێمەیە

ئەو دەمەی گوێ لەو سووتانی رووحەی دەگرین

ئەو دەمەی ئەم سۆز و زایەڵە و کزەبای عەشق و باهۆزی دەربەندە دەبیسین

هەست ئەکەین

گۆمان ناوە بە لێدانی دڵی نیشتیمانەوە

گۆمان ناوە بە دار و بەردی ووڵاتەوە

گۆمان ناوە بە دەروونی کانی و زامی قووڵمانەوە

لەم دەنگە دا گووڵە گەنم و

دڵۆپە شەونم و

بێری جێژوان و

تاوڵ و هۆبەی کۆچەران و

هەڵقرچانی دڵدارانی ووڵاتی گووڵ و خۆڵەمێش دەبینینەوە

ئەم دەنگە خۆشە

لە بەهەشت و دۆزەخی ئاوێتە بووی کورد

خۆیەوە هاتووە

هەر لەبەر ئەوەشە

وەک کارێزە ئاوی ژێر زەوینی و بن و بێخی

رووەکە کێویلەکان

لە ناخ و قووڵایی دیرۆکی ئێمە دا زیندووە

دەنگ و هونەری (ماملێ)

بەردەوام ئەو بێشکەیە ڕادەژێنێت

کە رۆحی بێ ئۆقرەی دڵدارانی تێدایە

من بۆ خۆم

یەکێکم لەو کەسانەی

زۆر جار دەبمە گەڵایەکی دەم ئەو با و

دەمبات و دەمبات

من زۆر جار لە ناو ئەم دەنگە خۆشەدا تواومەتەوە و

بووم بە هەڵم و

دیسانەوە بە هەناسە ساردەکانی (ماملێ)

بومەتەوە بەو دڵۆپە بارانانەی

کە شێعری تازەیان لە دەفتەرما

رازاندۆتەوە

کە شێعری تازەیان لە دەفتەرما

رازاندۆتەوە

مامۆستا: شێرکۆ بێکەس

p style=”text-align: right;”

************************************

لەگەڵ بولبوول
بۆ ڕوحی بەرێز : محمد ماملێ

مامۆستا: محمد سعید نجاڕی (ئاسۆ)

بولبووڵ باڵندەی ئێسک سووک
سینگ پر نەوای دندووک بچووک

ئەوینداری گوڵ و گوڵزار
لە سەرما و بێدەنگی بێزار

تینووی خوناوەی پەلکی گووڵ
سروود خوێنی مەدرەسەی دڵ


شەیدایی بەیانانی بەهار
دڵ پڕ ناڵەی کۆ بووی شەوگار

سەربەستی بادەی ئاوەنگی
شارەزای کوچەی دڵتەنگی

بۆچی نەوا و ناڵەت نایە
دیسان بەفرە و هاژەی بایە

دیسان سیخوارە و خەزەڵوەر
دیسان کراوی باخ بەدەر؟

دیسان سابڵاخ سەر بەتەمە
ئۆپێڕای سەنفۆنی غەمە

دیسان دوور کەوتی لە خۆشی
یان تۆش (بۆ ماملێ) ڕەش پۆشی

ناڵێی چین ئەم گەرمەشینە
بۆ ناڵەی گەرووت غەمگینە

بێری شیری لێ نەرژابێ؟
مرێم ڕەشی نەپۆشابێ؟

یانی ئەم شین و گریانە؟
ئی بێری کانی ئاسکانە

یان مام (هێمن)ە ئینتیزارە
هەر چاوەڕوانی (قەتارە)

بوڵبوول باڵندەی پڕ ئاهەنگ
ئەی گۆرانیبێژی دڵ تەنگ

وەرە با تێیهەڵکەین پێکەوە
گەر سەرمایە و ئەگەر شەوە

بە ئاهەنگی مۆسیقای ئاخ
بگرین بۆ بولبوولی (سابڵاخ)

بگری نم نم، تۆی تۆی، ورد ورد
بۆ موسیقای ڕەسەنی کورد

گرایان؟ هاوار هەست ناهێڵێ
ئاوارە بووم لە دوای خێڵێ

دەڵێن کێ تازە وەک جاران
خۆش دەکا مەجلیسی یاران

چاوی شێعر چۆن نەکا گڵ
لە گریانی مەرگی بولبوول

هاورێی تۆبێ خوا لێمگەرێ
چاوی ڕقت دەرنەپەرێ

ڕاستە تا گۆی ئاهەنگ مابێ
تا بێری شۆخ و شەنگ مابێ

تا بێری شیری نەرژێنێ
(ماملێ) نەمرە و هەر ئەمێنێ

بەڵام چ بکەم ئەشکی ڕوونم
ئاشکرای دەکەم دەروونم

کۆچی یارێ کۆچی سوورە
کۆچی ئەم، کۆچی سروورە

کۆچی سروور غەم هێنەرە
مەینەت هێن و شادی بەرە

هەرچەن هێند دڵتەنگی ناوێ
تا رۆژ گزینگی دەهاوێ

تا هەتاو هەڵبێ لە (ئاسۆ)
نامرێ دەنگی ماملێی تۆ

شەوی ٣ی ڕێبەندانی ١٣٧٧ ش ، ٢٣.٠١.١٩٩٩ زایینی
بۆکان
محمد سعید نجاڕی (ئاسۆ)

***************************************************************

بۆ “ماملێ”ی خۆشه‌ویست

کاتژمێر سێی پاشنیوه‌رۆ سێهه‌م رۆژی رێبه‌ندانه

شایی و شین تێکه‌ڵ به‌ یه‌ک بووه‌ هاتووچۆیه‌،هورووژانه‌

له‌ هه‌ر کووچه‌ و کۆڵانێک دا کۆری ماته‌م و گریانه‌

دیسان،مه‌هاباده‌ ده‌گری کوردستانیش بۆی به‌ ژانه‌

تاقه‌ گوڵی ناو گوڵزارمان بولبولی خۆشخوانی ماڵمان

هانده‌ری هه‌ستی بێدارمان هه‌وێنی عیشق و دڵدارمان

بیرخه‌ره‌وه‌ی رۆژی شادمان به‌ دوای شکانی کۆمارمان

له‌ شایی،هه‌ڵپه‌رکێ،له‌ شین ماملێ ده‌بوو به‌ میوانمان

قازی،هێمن،هه‌ژاره‌که‌ی موکریانمان له‌ ئامێزی بگرن وا هات، بولبوله‌که‌ی کوردستانمان

ئێوه‌،کوردوکوردستانتان،به‌ مه‌ سپارد ئێمه‌ش،به‌ ئێوه‌ی ده‌سپیرین،بولبولی جوانی گوڵزارمان

حوسێن به‌خشی 24.01.1999 ئاڵمان

********************************************

کۆچبارت…، ماملێ

بولبولی کوردان ، حاڵت پەرۆشە
چریکەت ئەمرۆ کپ و خامۆشە
ئاواتت وابوو ، هەڵکەوێ هەلت
بە چاو بیبینی سەربەستی گەلت
ماملێ، دەهەستە، بۆ کز و ماتی
بۆ چاوەڕوانی یەک مەرگەساتی
زۆرت خزمەت کرد بە گەل و هۆزت
بە دەنگی خۆش و بە هەست و سۆزت
بێ دەنگ مەبە تێر بچریکێنە
دەشت و شاخ و کەژ، وەنەشە بێنە
بە بەستە و مەقام، بەو هەستە جوانە
کە وا ئارامی، دڵی کوردانە
ڕاوچیان ڕاواە، یان لایە لایە
کە هێشتا سۆزی، لە گوێمان دایە
ماملێ جێی ڕێزە، زەحمەتی کێشا
بۆ پێشکەوتی کورد، دائیم تێکۆشا
قەت ماندوو نەبوو ، هەردەم نەکشاوە
دەیڕوانی لە بۆ، ئاسۆی گەشاوە
سەد حەیف بۆ تۆ ئەی ماملێی دەنگ خۆش
جەماوەر بۆ تۆ، پەرۆشن پەرۆش
تۆدڵنیا بە هونەرمەندی کورد
ڕێبوارت زۆرن، ئازا و ژیر و ورد
ڕێی گەورە پیاوان، کوێر نابێتەوە
ڕێگا ژوو دەکا و شین دەبێتەوە
کۆچبارت لێنا، بەرەو گۆڕستان
لەوێش چاوەڕێن، هەڤاڵ و دۆستان
لای هاورێیانی، گیانی بە گیانی
هەژار و هێمن، دوو موکریانی
خاکتان لە باوەش، خۆتان گرتووە
رووحتان هەر زیندوو،نا، نەمردووە
ئێوە لەگەڵ یەک، هەواڵ و یار بوون
هەڵۆی تیژباڵی، دێهات و شار بوون
پێتان دەنازی، خاکی کوردستان
جێی زیارەتن، بۆ کورد و دۆستان
بێشکەی کوردایەتییە، گڵکۆکەی ئێوە
هەر تاسە بارن، دڵداری ئێوە
بۆکان
سەیدزادە خاقان قادری

********************************************

بۆ ماملێ


شوان شمشاڵی وە لاناوە
بێری نازی لێ شێوا وە
بولبول به یانان نا خوێنێ
لقی گوڵی ناله ر زێنێ
شوان له شایی هه ڵناپه ڕێ
بێری ناچنه بانه مه ڕێ
له خڕو دۆڵی دە زمزیران
کچ و کوڕ ناگرن گه ڕی دیلان
چونکی نێ ماملێ نه ما وە
هونه ر ماڵی لێ شێوا وە
ئه ی تازە کێ بڵێ قە تارێ
که غەم له دڵی خه ڵک بتارێ
تازە کێ بڵێ لایه لایه
که ماملێ ئیتر قە ت نایه

عبدلا وەیسی

هامبورگ-ئاڵمان
**********

( دە نگی به سۆزی ماملێ )
کاتی وەرزی بانه مەڕە، چۆن دە بێ شمشاڵ نه بێ؟
ئەو هەوارە چۆلەوارە، که بێری مه یلی نه بێ

مامی شوان، له سە ر لوتکه ی ڕەوەز دانیشتووە
کوونی شمشاڵی گیراوە، که دە نگی ماملێ نه بێ

کێ هەیه تازە به جوانی باسی نازی شە و بکا؟
کەس شک نابەم لەوهەوارە بێجگه له ماملێ نەبێ

هەمو کەس واخەریکه کۆچی ماملێ له بیر کەن ؟
سەر “مەخاکۆ” و “سپی سەنگ” ودووندی “قەندیلی” نه بێ

زێڕی به نرخی دوو ددانی “زێنه بێ” له مێژو باوی نه ما ؟
بێجگه له دە نگی به سۆزی مامۆستا ماملێ نه بێ !!!

عه بدوڵا وەیسی، ئاڵمان، شاری شتوت گارت٠٧/١٠/٢٠١٢
***************************************************
ده‌کۆچی دوایی مامۆستا محمدماملێ دا هه‌ستم به‌وجۆره‌ بزووت.

رسول ڕەش احمدی (هەڵوەدا)

 

ده‌و ده‌مــه‌یدا هــه‌ڵوه‌دا بووم لــه ‌دوای یـار
لـــه‌باتی من تۆکه‌وتــــێ شیــن و هاوار

 

ده‌و وه‌ختـه‌یدا بولبـول جــێ دێڵـێ باغـی
عــه‌زاداره‌ لـــــه ‌دوای مـریــه‌م سابـڵاغی

 

ده‌و کـــــاته‌یدا بـازی بێــــریــان دووره‌دێـن
ده‌و کــاته‌یـدا قـــه‌تاره‌ی فرمێــسکم دێن

 

ده‌و ده‌مـه‌یـــدا ڕاوچـــی ڕاوی به‌تــاڵــــــه‌
لــه‌و کـاتـه‌یـدا شـارێـک کـــه‌وتۆتـه ‌ناڵــه‌

 

ده‌و ده‌مه‌یـــــدا کــه ‌کـۆچــی یاران سووره‌
لـــه‌و کاتـه‌یــدا بـه‌هـار خێــڵ بـــه‌ره‌و ژووره‌

 

لــــه‌و ساتـــه‌یــدا قـــه‌تار گـــه‌وهــه‌ری بـاره‌
ده‌و ده‌مـه‌یــــدا خــورشیــــــدی خــاوه‌ر یــاره‌

 

لــــــه‌و کــــاته‌یــدا ئــه‌ختــه‌رم دووره ‌ده‌ستــه‌
خوێنـی دڵــم جــه‌وهـــه‌ری شێعروهه‌سته‌

 

دەو ڕۆژەی دا بولبول شێت و شەیدایە
ناڵە و شیوەن لە شارێ هەڵوەدایە

 

ده‌و ڕۆژه‌یــــدا پۆلی شیـــــن گێـــڕ به‌ڕێوه‌
ڕوخسـاری شــار و ه‌کووڕووی تۆ په‌شێوه‌

 

ده‌و ڕۆژه‌یــدا زه‌مـان گـوڵێـــکی پێـدای
لێی ستاندی وله‌چه‌شنی شه‌خته ‌لێیدای

 

ده‌و ده‌مـه‌یــــدا بوولبــــول کش و بێده‌نــــــگه‌
په‌ری شێـعرم ده‌گه‌ڵ هـه‌ستم له‌ جه‌نــــگه‌

 

ده‌و کــــــاته‌یدا شـــــاعیــــر شێــت و شه‌یـدایه‌
نـــاڵــه ‌و شیــوه‌ن لـــه‌شــاری هــه‌ڵــوه‌دایـــه

 

دانامـــــرکێ کــــووڵـی دڵــم به ‌گـریــــان
بـــوومـــه ‌پـــۆڵا، هـــه‌نـاوم بـــۆتـــه ‌بـــریـــان

 

چــه‌نده ‌خۆش بــــوو به‌هاران زمـــــزیرانی
ده‌و ده‌مـه‌یدا ماملــێ ده‌یکووت گۆرانی

 

گۆرانــــی نا، شيپــــۆڕی خۆشه‌ویســتان
بـۆتــه ‌ئـــاهـــه‌نـگ بـۆتـه ‌لالـه ‌بـه‌ده‌ستـان

 

کـــاغـــه‌زێـــکی بــنــووسن بـۆلـــه‌یـلایـه‌
بــڵێـــن وه‌ره ‌بــۆشیـــــن و واوه‌یــــــلایـه‌

 

دڵ ئه‌گه‌رچی پارچه ‌گۆشتی به ‌خوێنه‌
جێگه‌ی هـه‌زار ئاوات و ســه‌د بـه‌ڵێنه‌

 

چـریــکـه‌وێـژ خه‌منـاکــــم ده‌نگت نـــــایه‌
بـــۆ کـۆرپــه‌کـــان بــۆ نـاکه‌ی لایـه‌لایــه‌

 

تابووتێـکت بۆسـاز ده‌که‌ین له ‌عه‌ڕعه‌ڕ
به ‌ناڵه‌مان گوێی فه‌له‌کی ده‌که‌ین که‌ڕ

 

ساله‌های ساڵ نه‌غمه‌وده‌نگی به‌سۆزت
یادو و نــاوی هـه‌مــوو ده‌مان پیــرۆزت

 

هـه‌ر ده‌مێــــنێ و لـــــه ‌لامــــان یــادگــــــاره‌
تـۆهه‌ڵکـه‌وتـه‌و نـمـوونه ‌بــووی بـۆو شـــاره‌

 

نه‌غمه ‌و ده‌نگت سنــــــووری تێـــــپه‌ڕاندۆ
هـه‌مــوو دنیـای ده ‌ده‌ردی مــه‌ گـه‌یـانـدۆ

 

ئه‌من چبـکه‌م کـه‌وه‌ک تـۆ ده‌ر ده‌دارم
هــه‌را ده‌که‌م کـه‌س نابیــسێ هاوارم

 

دەو کاتەی دا ماملێ دەیکوت گۆرانی
چەندە خۆش بوو ، بەهاران زمزیرانی

مەهاباد – هەڵوەدا (رسول ڕەش احمدی)

********************************************************************

هۆنەری ئەم شێعرانە ناسراو نییە، خۆشحال دەبین هەر کەس زانیاری زیاتری هەیە ، ئاگادارمان کاتەوە
ئەو ورینگەی بولبولیش شەیدا دەکا یادی بەخێر
بەو چریکەی تۆزی خەم بەربادەدا یادی بەخێر
چۆن نەخۆشه ئەو پزشکەی دەنگی دەرمانی منه
شۆرەسواری دەشتی ئاهەنگ و نەوا یادی بەخێر
بۆ هونەرمەند،ژینی خۆش دەس ناکەوێ،هێمن دەڵێ
شێعری هێمن،دەنگی ماملێ بۆنەما ،یادی بەخێر
بولبولی باغی هونەر بشکێنه ئەم بێ دەنگیه
ئەو دەمەی ڵاله بە دەنگت رادەژا یادی بەخێر
چۆن بژیم بێ تۆ گوڵم ئەورۆ لەگۆلزارا نەبێ
دەنگی گۆرانی و قەتاری خۆش هەوا یادی بەخێڕ
*******************************


*********************************************

ئاڵبۆمی ڕێژنە
دوایین بەرهەمی محەممەد ماملێ

بۆ کڕینی ئۆرجیناڵی ئاڵبۆمی "ڕێژنە"، دەتوانن پێوەندی بەم ئیمایلەوە بکەن:
info@mamle.net
هەروەها بۆ گوگرتنی ئانڵاین دەتوانن کرتە لەسەر وێنەکە بفەرموون.

لالە بە دەستان
هاشم نانەوازادە

بۆ خوێندنەوەی ئەم پەرتووکە دەتوانن کرتە لەسەر وێنەکە بکەن.

گۆرانییەکانی ماملێ

Here is the Music Player. You need to installl flash player to show this cool thing!